شرح نظام البرفكشن او النجوم في الاستف

السلام عليكم

النهردا هنشرح طريقة عمل البرفكش او النجوم في الاسطف في كونكر وكمان حل مشكلة ان الاسطف لازم تكون كلها سوبر لو استفتك كلها سوبر هتمشي على الشرح من غير ما تدخل الموقع ولو لسا عندك حاجة مش سوبر هتسجل في الايفنت من غير ماتختار سرفر  وتستنا لتاني يوم علشان تبداء تجيب النجوم  الرابط في اخر الشرح

الحقيقه ان كلو معقد نفسو زياده و خايف من البرفكشن سيستم مع انكو لو اخدتوه ب بساطه هتلاقو الدنيا ساهله خالص ولا فيها اى حاجه ولا محتاجه كل ده طيب واحده واحده مع بعض كده 

1- اول حاجه يعنى ايه  برفكشن سستم؟ الجى ام هيخلى لو اصطفتك كلها سوبر ينفع تفتح  فيها مستويات برفكشن الا حتتين القوص بتاع الارشر و الريشه او الهوسو بتاع الواتر طيب البرفكشن سستم كام مستوى؟ هو كلو على بعضو 27 مستوى متقسم ل 3 اجزاء 9نجوم و 9 اقمار جمع قمر الى بينور بليل ده D: و 9 شموس يبقا مجموع كل المستويات ايه؟ 27 مستوى تبقا البرفكشن بتاع الايتم بتاعتك على اخر حاجه و بلترتيب كده لازم تخلص التسع نجوم فى كل اصطفتك كلها يروح مدخلك على ال تسع اقمار تخلصهم تروح داخل على ال تسع شموس و كل ما بتتقدم بيطلب منك حجاره اكتر طبعا طيب و ايه لزمة البرفكشن سستم؟ البرفكشن سستم له لزمتين بظبط كده 

1- بيديلك قوه زياده يعنى بيديك اتاك و دفنس للفاير و للاكونتات الاتاك ل كلو يعنى

2-بيديلك مزايه كتير المزايه دى بتخليك تتجنب حاجات من الانمى و تطلع فيه حاجات اكتر يعنى مزايا بتضافلك كل ما مستوى البرفكشن عندك يزيد

طيب ايه المزايه دى؟ عندك بظبط كده 16 ميزه هيجيلك واحده وره التانيه كل ما تزود مستوى البرفكشن الكلى بتاع اصطفتك كلها بس معرفش كل ميزه هتجيلك امتى بظبط كل الى اعرفو انهم هيجولك واحده ورا التانيه كل ما تزود فى مستوى البرفكشن بتاعك البرفكشن سستم ده هيجبهملك نقول على المزايا الى هتجيلك من نظام البرفكشن واحده واحده؟ اوك يلا بينا

1-Toxin Eraser : اول ميزه و لزمتها بتتجنب اى ضربه زى الفوج بتاع الننجا او  الاسكيل البيور بتاع ال ننجا ننجا ننجا الى بيقللو الاتشبى بتاعك بيخلى ميطلعش فيك او ميأثرش فيك ب نسبه اكبر

2-Strike Lock : زى الرفلكت كده بتديلك فرصه انك تتفادا تأثير اى ضربه يعتبر  زى الرفلكت بتاع الورير بظبط نفس الفكره

3-Lucky Strike : اخدتو بالكو من اسمها؟ بتخليك تطلع فى الى قدامك استريك ب نسبه اعلى بلحظ كده DD: 

4-Calm Wind : و دى ايه لزمتها؟ مش فى اسكلات كده لما بتضربها بتقعد عدد من  الثوانى مقفوله و بعد كده تنور و تضربها تانى؟ اهو الميزه دى بتديلك فرصه ان سعات متضلمش و الاسكل يضرب مره تانيه ورا بعضو عادى بتفكرنى ب اسكيل القرصان بتاع المسدس سعات يقفل 20 ثانيه و سعات تلاقيه بينور فى سعتها اهو نفس الفكره كده

5-Draining Touch : الميزه دى بتديلك فرصه ان المانا و الدم بتوعك يتملو و انت  بتضرب الى قدامك و خد بالك فى فرق بين تضرب و تضرب دى بتملالك الدم و المانا و انت بتضرب الى قدامك بيفكرنى ب سلاح الباك سوارد بتاع الفاير الى بيملا مانا لواحدو و انت بتضرب نفس الفكره باين بس على كل الانواع

6-Blood Spawn : دى بقا بتملا الدم و المانا و انت بتضرب من الى قدامك زى ما  تقول بيهلسلك شويه علشان لو اتغفلت او بتساعدك على التهليس و انت بتضرب من الى قدامك

7-Light of Stamina : اهو ده بيملالك الاستمينا الى بتستخدمها علشان تضرب  الاسكلات و انت بتضرب الى قدامك بس ب شرط ايه؟ ب شرط يكون مستوى البرفكشن بتاعك اعلى من الى انت بتتعارك معاه زى فكرة الحصان بظبط الاعلى بيوقع الاقل D: 

8-Shield Break : مش فى ناس ورير و ناس بتمسك شيلد او درع يعنى فى  المسبقات و كل الضربات بتفضل تطلع ب رقم قليل بسبب ان البلوك عندهم عالى؟ لا بقا كان زمان الميزه دى بتقلل فرصة ان الى قدامك ضربتك تيجى فيه ب بلوك بتخليك لما تضربو متجيش بلوك و بلتالى تضربو جامد

9-Killing Flash : دى ميزه حلوه بتديلك فرصه ان و انت بتضرب الى قدامك تلاقى  الاكسبى اسكيل جالك مره واحده ميزه جامده فعلا 

10-Mirror of Sin :ده بقا بيديلك فرصه يجيلك الاكسبى اسكيل و انت بتضرب من  الى قدامك مش بتضربو عكس الى فوقيه يعنى 

11-Divine Guard : بتزودلك دفاعك و انت بتضرب فى الى قدامك بس برضو ب  شرط يكون مستوى البرفكشن سستم بتاعك اكبر منو 

12-Core Strike : بيخلى ال m strike الى هو الاسترايك بس بتاع الفاير و الواتر  يطلع فى الى قدامك ب نسبه اكبر ب كتير 

13-Invisible Arrow : بتجمد ضربة التوست الى هو فاير و واتر يعنى 

14-Free Soul : الميزه دى ميزه اظن كلو هيحبها اكتر واحده لو موتوك و جم يكلبشوك حتى لو باور اعلى منك بب كتير فى احتمال متتكلبش بسبب الميزه دى DD: 

15-Straight Life : ميزه تانيه حلوه برضو و جامده لو مت فى احتمال تلاقى نفسك صحيت مكانك فى سعتها من غير ولا واتر ولا اى بتنجان ولا تستنى 20 ثانيه ولا حاجه تموت تصحى كده 

16-Absolute Luck: اخر ميزه معانا دى مش ميزه هى تعتبر مزتين من الى فاتو بس حطوهم فى ميزه واحده يعنى هى عباره عن ميزة ال Lucky Strike و الStrike Lock الى هما رقم 2 و 3 يعنى هى ميزه بدل ما يطلع حاجه فيهم دى بتعمل تأثير الاتنين مره واحده فى نفس الوقت و لازم علشان تطلع يكون مستوى البرفكشن بتاعك اعلى من الى انت بتلاعبو طيب و ازاى تعرف انت ايه المزايا الى اتفتحتلك و الى الى جى عليك و محتاج كام و كده؟ افتح صفحة الاصطفه بتاعتك هتلاقى البتاع دى تحت 

ملحوظه العدد الى فيها ده هو اجمالى  عدد النجوم فى اصطفتك كلها و هو ده الى بيجبلك المزايا كل ما تزود النجوم فى اصطفتك ده يزيد و المزايا تجيلك المهم هتتك عليها هيفتحلك صفحه على جنب اتك على كلمة Bounce Effect هيفتحلك الصفحه بتاعت  المزايا بتاعتك الى كل ميزه جنبها رقم النجوم الى محتجاه علشان تفتحو و مش الى فى الصفحه دول بس الى عندك كل ما تفتح فيهم بيظهرلك حاجات تحتها و كده و كل ما واحده فيهم تنور معناها انها بقت معاك خلاص و انك جبت عدد نجومها المطلوب و ده شكلها

 

الحمد لله خلصت المزايا يخربيتها ساعه بعمل فيها انا كنت وقفت فين D;  اه افتكرت بصو علشان متهوش منى اطلع برضو بص كده كنا وقفنا فين؟ تمام خلاص؟ نكمل بقا 

بعد ما عرفنا ايه هو البرفكشن سستم و ايه مستوياتو و ايه لزمتو الى هو بيزود القوه و المزايا نعرف بقا ازاااااى نزود مستوى البرفكشن سستم ده؟؟ يعنى انا ابقا عارف كل حاجه عنو و مش عارف اصلا بزودو ازاى ولا منين ولا ب ايه؟ لا واحده واحده كده مع بعض هنفهم كل حاجه.

نبدا اول حاجه تزودو ب ايه يعنى هتحتاج ايه علشان تزودو؟ فى 3 حاجات بتزود  مستوى البرفكشن سستم بتاعك اول حاجه يعنى ايه تزودو بس؟ يعنى زى ما بتزود ال + بتاع الحاجه كده بتخليها بدل مثلا +5 تخليها +6 كده انت رفعت المستوى بتاع ال + من5 ل 6 نفس الفكره لما تيجى تزود مستوى ال برفكشن نرجع تانى ل كلمنا؟ بنزودو ب ايه؟ قلنا فى 3 حاجات الى هما ايه؟

1-الحجاره بتاعت ال + الى بتزود بيها + الاصطفه عادى دى اول حاجه ممكن تستعملها علشان تزود مستوى البرفكشن

2- تانى حاجه انت ممكن تضرب ايتم فى بعضها يعنى لو عاوز تزود مثلا المستوى بتاع البرفكشن بتاع السلسله مثلا ممكن تجيب سلسله +5 تضربها فيها زى برضو حوار ال +  بتاع الاصطفه 

3- الحاجه التالته و دى جديده عن طريق استخدام حجاره جديده فى اللعبه اسمها Star Stone و دى بتجبها ببلاش من 3 اماكن من كوستات الريلم الجديده الى هتنزل مع ارض الريلم الجديده و من كوستات ال zone فى الماب الجديده الى لسا نازله الى اسمهاFiery Dragon region و من اخر مكان الى هو من التسجيل اليومى النظام الجديد  الى اللعبه نزلتو و تم شرح كل دول على الصفحه ان الحمد لله و ده شكل حجارة البرفكشن الى بتجبها من الكوستات دى مجاناD:

 

 طيب كده فهمت انت محتاج ايه علشان تزود مستوى البرفكشن سستم و عرفت تجيب الحاجه منين و اغلب الناس هتجيب كل يوم الكام حجاره المجانيه من الكوستات مش هيصرفو فلوس على استونات انا عارف

 Prefection :.

طيب ازاى بقا ازود المستوى و منين؟ هناخدها برضو واحده واحده مع بعضنا بص يا سيدى افتح ال forging الى كنت بتزود منها لفل الحاجه و كده هتلاقى كلمه جديده اضافة فوق خالص على اليمين اسمها Prefection و دى صوره بتوضح بس علشان  انا بعمل الشرح و هى منزلتش ف للأسف اخدت الصوره الى ال جى ام منزلها و هى بلصينى بس كتر خيرو مترجملنا الكلام فوقيه كده ب الانجليزه علشان نعرف هيبقا شكلو ايه ادى الصوره ازاى نفتح صفحة البرفكشن لسا علشان نبدأ نزودو لسا مدخلناش فى حاجه بنعرف بس ازاى نفتح الصفحه الى هنبدأ نزودو منها مش اكتر علشان متوهش منى

تمام فتحت الصفحه؟ طيب انت معاك الاصطفايا الى عاوز تزودلها البرفكشن سستم تعمل ايه؟ اول حاجه يكون الاصطفايا معاك و الى انت هتزودو بيها معاك انت عارف بقا ايه الى بيزودو هما 3 حاجات قلنا المهم بعد ما جبت الحاجه؟ افتح الصفحه دى زى ما وريتك فى الصوره الى فوق و هتكمل الخطوات دى معايا الصوره اهى الاول و بعد كده اشرح عليها

هتتك على رقم واحد و بعد كده رقم اتنين و بعد كده رقم 3 انا مترجمو اهو علشان تعرف هيبقا مكتوب ايه مكان الصينى ده هتلاقى عند الاصطفه فى رقم خمسه اتك عليها او شلها و حطها هتلاقيها بقا فى رقم اربعه و هتلاقى الحجاره او الحاجه الى انت هتستعملها علشات تعليها موجوده فى رقم خمسه اتك عليها و اتك الكلمه الى اسمها Temper الى هى رقم 6 و انا مترجمها برضو بدل الصينى ده علشان تعرف تتعامل لما تنزل عندنا و مبروك خلاص كده عليت مستوى البرفكشن بتاع الاصطفه ب الحجاره الى انت حطتها او ب الحاجه الى انت استعملتها فى ملحوظه كده الجى ام عاملها او كاتبها انا الى فهمتو منها ان انت مثلا معاك خاتم عليت مستوى البرفكشن بتاعو ل 1 لازم تخلى كل اصطفتك المستوى بتاع البرفكشن سستم بتعها 1 علشان تعرف تعلى الحاجه ل مستوى 2 و بعد كده تعلى كلو ل 2 و تبدا تعلى ل 3 و كده يعنى لازم كلو يبقا قد بعضو او اعلى يعنى ايه؟ يعنى لو عندك حاجه مستوى 5 و عاوز تعليها لازم كل اصطفتك تبقى مستوى 5 او اعلى من كده يعنى يبقا اقل حتا عندك 5  طيب و ايه الاصطفه الى فيها برفكشن؟ قلنا كل حاجه الا القوص بتاع الارشر و الريشه بتاعت الواتر و الفاير الى هى الهوسو

انت فاكر الموضوع خلص كده؟ لا يا راجل؟ مكانتش اللعبه اتقلب كمل كمل انا قاعد معاك انهارده للصبح يا راجل زهقت من ايه هو ده شرح؟ ده انا بدردش معاكو  xD xD

                    --------------------------------

 Transfer OwnerShip :.

طيب انت يا سيدى كان معاك اصطفايا و عليت  فيها مستوى البرفكشن و ظبطتها لو جيت تبعها و انت لسا مكملتهاش ل مستوى الاخير الى هو 27 نجمه الى قدامك مش  هيقدر يكملها ليه؟ علشان هى ب اسمك انت مدام انت الى بدأت فيها بقت ب اسمك انت و نفس الحوار لو اشتريت حاجه من واحد مش هتعرف تكمل عليها الا ب طريقه واحده بس انك تحول الملكيه بتاعت الحاجه دى من عليه تبقا انت المالك بتعها طيب منين و ب ايه؟ ب ايه دى هى هتبقا ب سبس و على فكره البرفكشن سستم هيخلى سعر السبس يولع اكتر ما هو والع و اكيد برضو سعر الاستونات المهم نكمل ياخد كام سبس فى الحوار ده؟ هو هياخد 1500 سبس على الحته علشان تنقل ملكيتها لك طيب ازاى؟ اقولك انا ازاى هنزل الصوره دى و اشرح عليها زى الى فوق بظبط ولله تعبت xD 

 

اول حاجه انا كتبت 4 مرات رقم 4 علشان كنت زهقان عادى بدل ما اكتب رقم 4 واحد كبير اغطى على الصوره D; نكمل اول حاجه علشان تنقل ملكية الحاجه تبقا ب اسمك انت علشان تكمل عليها عادى زى ما قلنا هتتك على كلمة ال Forging الى تحت جنب الارينه و الايتمز و كده و تتك على رقم واحد فى الصوره و بعد كده رقم اتنين و برضو مترجم كلو علشان متهوش من اللغه و بعد كده اتك على الاصطفه الى عاوز تنقل ملكيتها لك هتلاقيها بقت فى رقم اربعه زى الصوره كده الجناح ده و و يكون معاك السبس فى الايتمز و تروح متك على رقم 5 و مبروك عليك

كده خلصنه الجزء ده بس لسا مكملين البرفكشن سستم رخم شويه معلش بس احنا كده خلصنا حوار الملكيه دى ندخل على الى بعدوووو 

                         ---------------------------

 Prefection Exchange :.

افرض انت يا عم الحج عملت اصطفتك مستوى حلو و بتاع و جيت عاوز تغير الاصطفه تجيب اصطفى اعلى ولا تجيب نوع تانى بس لو جبتو الايتم الجديده مش هيبقى فيها كل الى انت هطيتو فى البرفكشن فى الاولى هتروح قايل لا خلينى فى الى انا فيه بدل ما اخسر كل ده؟ لا مش هتقول كده الجى ام ماشاء الله عامل حل ل كل حاجه عاملك خاصيه ممكن تنقل بيها مستوى البرفكشن بتاع الاصطفه بتاعتك ل اصطفه تانيه بشرط تكون نفس النوع و انا قلت ايه؟ بتنقل المستوى بتاع البرفكشن سستم مقلتش بتغير نوع الاصطفه علشان فى ناس فاهمه غلط يقولك يعنى ينفع اخلى اصطفة البرسلى احولها ل نينجا؟ لا محدش قال كده انا بقول ايه؟ مثلا انت ننجا و جبت اصطفه برسلى و انت كنت مظبط مستوى البرفكشن فى الاصطفه الننجا و عاوز تلعب برسلى هتروح واخد الهاتا بتاعت الننجا او الحلق مهما كان المهم بيتلبس مكان الهاتا و واخد الهاتا بتاعت البرسلى و تبدل البرفكشن سستم بتاعهم مع بعض دى تاخد بتاعت دى و دى تاخد بتاعت دى و برضو ب سبسسسسس الجى ام ناوى يشفط الناس الله يحرقه ب ودانو دى طيب انت فهمت فكرتها كده؟ و غير السلاحين و الهاتا و الارمور على اى حته بتكلم على فكره السلسله خاتم اى حاجه المهم الحتتين يكونو بيتلبسو فى نفس المكان مش مهم نوع الشخصيه بتعتها اوك نشوف بقا ازاى بتعملها؟ هنزل برضو صوره و اشرح عليها

 طيب هتتك على forging برضو و تتك على رقم واحد و بعد كده رقم 2 و هتحط  الحتتين الى عاوز تبدل المستوى بتاع البرفكشن بتاعهم مع بعض دى تاخد بتاع دى و دى تاخد بتاع دى هتحط الاتنين من رقم 3 ل رقم 4 و تدوس على رقم 5 و برضو  هياخد1000 سبس على التحويله  D: و مينفعش اى حاجه مع اى حاجه خليك فاكر لازم سلاح مع سلاح حلق مع حلق مش مهم نوع الشخصيه ايه يعنى لو سلاح ننجا ممكن يتعمل مع سلاح ارشر عادى المهم ده سلاح و ده سلاح اظن كده وصلت خلاص ندخل على الى بعدو يا رببببب هانت خلاص فاضل حاجه بسيطه اوى

                       ------------------------------

Signatrue :. 

يعنى ايه دى؟ يعنى تعلم على الايتم او الاصطفه بتاعتك لامؤخزه xD لو الاصطفه بتاعتك وصلت ل مستوى ال 9 اقمار ممكن تعلمها ب كلمه علشان يبقا معرف ان دى بتاعتك تكتب بقا اى حاجه انت عاوزو لقبك اسمك كلمه عاوز تقولها بس خد بالك انت لك تكتب على كل ايتم او اصطفه مره واحده عاوز تغير الكلمه يبقا ب سبس مفيش حاجه ببلاش فى البلد دى ههههه طيب تعلم الايتم بتاعتك ازاى بعد ما توصل مستواها ل 9اقمار؟ هنزل برضو صوره و اشرح عليها

هتفتح ال forging و تتك على رقم واحد و بعدين اتنين و بعدين تاخد الايتم الى عاوز تكتب عليها كلمه او توقيع من رقم تلاته تحطها فى رقم اربعه و تكتب التعليق فى المربع بتاع رقم خمسه زى مثلا الجى ام الاهبل الى كاتبو ده و تدوس على رقم سته و كلو مترجم برضو ب الى هيبقا موجود و دى صورة الايتم الى الجى ام عملها علشان ابينلك بس ازاى بيبان الكلمه الى انت كاتبها على الاينم دى و يا ريت تكتب كلمه واحده على كلو يعنى و متفكرش تغيرها بدل ما تدفع سبس حرام كل مره تعوز تغيرها تدفع 270سبس على الفاضى و دى الصوره

كده خلصنا دى الى بعدو و اخر حاجه خلاص الحمد لله 

                       -----------------------------

و بما انك بقا عندك ارقام كتير بي بتزود قوة الاميل من الاتشاى للجيانك للسوكتات للجمات ل ل ل ل مش بنخلص و مكنيش ينفع خالص نضيف الحاجه الى بتجيلك من البرفكشن عليهم ف الجى ام عملهم خانه كده مخصوصه تعرف منها القوه الى انت واخدها من البرفكشن بتاع اصطفتك كام بظبط يعنى بيزودك كام اتاك عندك كام ميزه و كده يعنى هتفتح الاصطفه بتاعتك هتلاقى المربع ده تحت كده 

هتتك عليه هيفتحلك الصفحه الى فيها البرفكشن بيزودلك كام قوه و اد ايه مزايا بظبط و متقسمه زى دى 

الجزء مكتوب عليه رقم واحد ده بيتكتبلك فيه اصطفتك البرفكشن بتعها الى انت زودتو بيديلك كام اتاك و دفنس و كده الى هى القوه يعنى مش المزايا و انت عرفت الفرق بين القوه و المزايا فى اول الشرح خالص فى اول الموضوع و الجزء التانى بيتكتب فيه المزايا و ليه ده صغير و ده كبير؟ علشان المزايا 16 ميزه اما القوه هما 4 مش حوار دفنس و اتاك للفزيكال و الماجيك يعنى للشخصيات العاديه و للفاير و الواتر

                  -----------------------------------

انا اسف لو الشرح فيه حاجات بسيطه غلط و ان شاء الله مفهوش بس بقول يعنى لو اتلغبط فى حاجه من غير قصدى مع انى أكد عليه ولله فا لو فيه بقا يبقا ده علشان عاوز انزل شرحو بسرعه علشانكو مش اكتر

                  -----------------------------------

و ب كده اكون خلصت شرح البرفكشن سستم كامل الحمد لله و اخيرا كده المفروض تبقا فهمتو جدا و لو مفهمتهوش يبقا متفهمهوش احسن بجد علشان هيبقا سعتها مفيش أمل خالص انك تفهو احلى مسى على اخواتى حمو النمر مصطفى و اندرو و يحيى بااااااى تابعو كل شرح الاحداث الجديده على صفحتى ان شاء الله و بلنسبه للصور اللغه صينى و كده انا مترجم كلو الكلام الى انا كاتبو ب الاحمر هو الى هتلاقيه فى اللعبه شكرا

رابط التسجيل لو استفك مش فل سوبرمن هنا